Apa ane awake ungsapang jani?
Tiang ungsap tekening mangkihan sabilang wai,kasambat angkihan nike maan nyilih,nanging ten keni sire sane maduwe,tan prasida antuk ngerasa-rasa angkihan,akeh ungsap tiange mangkin.
Ape ingetne?
Inget tiang angkihan punika lakar jemake malih.napi ke Mangkin,benjang,buin asasih,buin ataun tan keni antuk.Maan tiang tambun-tambunang angkihan punika,wadahin tiang bodag,sabilang semeng tiang kebit-kebitang bodag punika,intip tiang isine.yening purnama suluh-suluhang tiang di beten bulane,nuju tilem usud-usud tiang .nanging ngantos mangkin kari puyung bodag punika.
Tawang rasane?
Polih tiang ngerasa-rasa angkihan,napi makecap manis,pait,pakeh,masem miwah rasa-rasa sane lianan.pateh-patehang pengrasa punika antuk sekancan sane dados tiang kecapin,patehang tiang antuk rasa asem,boya masi,kecapin tiang uyah patehang tiang ten pateh.pamuput ne tan prasida tiang ngecapin angkihan.
Maan nuluh ?
Ngih yakti tiang polih,duluh tiang kangin,ten masi panggihin,Kaje,kauh lan kelod tiang polih nuluh.negak tiang di tengah,tolih menek tolih tuun masi ten metanggu.
Tawang rupane?
Maan tiang di sisin pasihe,endep saje tongosne,kebus asane,mejalan lantas ke muncuk gununge,tegeh penadine,dingin rasane,tepuk angkihan punika sekadi kukus ,napi nike kasambat panas kelawan dingin metu kukus,napi nike patemuan ngadeg lan nyungsang,ten keni antuk tiang, mapan tiang jadma kalintang lintang tambet.
Tawang munyine?
Kocap sakti sajaan angkihan punika,dugas piodalan,ring bale pawedaan ngelekas ipun dados puja mantra,ring genah pesantian masiluman dadi gegitaan,ring genah sekaa gong maya maya ring munyin suling.
Sube keto?
Lek tiang,dumun merasa angkihan punika tiang ngelahang,adanin tiang ne tenget-tenget,gaenang tiang otonan,isinin sekancan ne jaen-jaen,sing dadi boyain,aja wera.Momo tiang tekening dewek, kanden tiang sane kasenengin,kajumput olih sang meraga angkihan.
Men Nu jani nenget-nengetang dewek??