Kajeng kliwon uku shinta, I Sangsiah menceg di muncuk punyan bingin ane tumbuh di tengah setrane,bulanne sube tegeh tepukin lantas lawat-lawat pedaduan ngangsan maak-maakang,disubane paak jering bulune I Sangsiah nepukin lawate totonan,lawate nto tuah sing ade len I Leak Barak teken I Leak Putih.
“Ngangsan keweh idup di gumine ne..makejang tuara beneh,pelih,sing cocok,sing manut” ngumik I Leak Putih. “Knapa mbok” saut I Leak Barak
“Tegarang je kenehang…jani I manusia sube pade merasa dueg-dueg, amone mbok melajahang dewek dadi Leak konden masi bani ampah mailen-ilen sekadi hyang dewi durga,dapet suba ade manusia mesolah care ida bhatari ..dija harga diri mboke..” I Leak Putih memedih
“Ow mbok tyang masi ..merasa jengah..dugas kajeng kliwon enyitan,ulian pedih tyang orahange bodo buin selem teken Pan Made,peteng ne alih tyang ,ulian kamarne peteng adeng-adengin tyang duluh uli batis ne lakar kekelecotang jit ne..sube nganteg di beduur..lantas kacaplok lan kekelecotang ..boya iye duwuh-duwuh naanang sakit adi kene munyi.. pelan-pelan mbak yu ojo kesusu toh…” I Leak Barak nutur
“Adi bise..?” Saut I Leak Putih “anu..mbok Kaden tyang mekakeb pules ne adi nungkayak ye..anu ne bakat kelecotang ” I leak Barak nyautin lek
“Badah..mani poan melahang nake apang sing asal nyaplok..yen nyak sakit misi men kenehe.. sakewale yen pelih tur ketagihan lantas ..tong ade leak dadi booking ” I Leak putih nuturin
“yen sube melaksana pelih lantas pelihange tyang sing sebet mbok” Saut I Leak Selem uli kelod
“sakewala buka dewek tyange setate pelih gen..yen sube bek luune kampih di bias-bias pasihe tyang ne pelihange….leak tusing bise ngutang luu polone..ditukad-tukade ngutang, kene be dadi ne pasihe kaput luu….tegarang je mbok kenehang ..I Manusia ane ngutang ngudiang soroh Leak pelihang!” I Leak selem sebet keneh ne
“Jani melajahin tur ngelarang pangleakan sube keweh sajaan ..be makejang jurang-jurang,bukit-bukit dadi villa dadi hotel,ape buin catus pata be anggone tongos metuakan teken bajang-bajange,ipidan taen kone ade setra misi wifi mbok ..ulian ade TPS di delod ne” Saut I Leak Jenar maya-maya uli kauh
“Nah nto sangkala jani ajak makejang,yen dadi baan melahang mesawitra ajak jro-jro balian ne uyang ,paling tur uyeng-uyengan, yen sing ade ragane ..sing ade soroh leak.. basang sakit amah leak, sirah sakit dangal leak..batis sakit silapin leak..pastika keto bawos jro-jro baliane nto..tegarang ke dokter bisa hipertensi,asam urat,kurang darah..aruh jak ilang-ilang leake baane ken pak dokter.” Saut I Leak brumbun ane ngenahang dewek di tengah-tengah.
“Adaang baane tutur jak jro balian totonan yen perlu tanda tangan MOU apang lancar” imbuh I Leak Brumbun
“Aruh yen makelo-kelo awake ningeh tutur leak bise awake kadene melajah ngeleak” I Sangsiah makeneh-keneh.
“ Awake nuturang awake kadene bise ngeleak..adenan gediang baane uli dini” mekeber lantas I Sangsiah ngaje-kangin nuut pejalan I Bebek putih Jambul.
Yeee..jro itep memace..kal melajahin ngeleak nggih??